Xəbərlər

İttifaq üzvlərinin istirahət mərkəzinə ekskursiyası təşkil olundu

ETİHİ Şabran Rayon Komitəsinin təşkilatçılığı ilə 23 may 2026- ci il tarixində Şabran rayon Çölquşçu kənd tam orta ümumtəhsil məktəbinin bir qrup ittifaq üzvlərinin asudə vaxtlarının səmərəli təşkili üçün Qalaaltı -Balbulaq istirahət mərkəzinə ekskursiya təşkil olunub.

Təhsil işçiləri yaradılan şərait üçün ETİHİ Respublika Komitəsinə dərin təşəkkürlərini bildiriblər.

Hüseynova Gülsüm Seyfəddin qızı 65 yaş yubileyi münasibətilə təltif edildi

15.05.2026-ci il tarixdə Elm və Təhsil İşçiləri Həmkarlar İttifaqı Şabran Rayon Komitəsi tərəfindən Şabran Rayon Əmirxanli kənd tam orta ümumtəhsil məktəbində fəaliyyət göstərən Azərbaycan dili və ədəbiyyat müəllimi Hüseynova Gülsüm Seyfəddin qızı 65 yaş-yubiley münasibətilə qiymətli hədiyyə və fəxri fərmanla təltif edildi.

Həmkarımızı bir daha təbrik edir,işlərində müvəffəqiyyətlər,sağlam və mənalı ömür diləyirik!

Hüseynova Gülsüm Seyfəddin qızı 65 yaş yubileyi münasibətilə təltif edildi

15.05.2026-ci il tarixdə Elm və Təhsil İşçiləri Həmkarlar İttifaqı Şabran Rayon Komitəsi tərəfindən Şabran Rayon Əmirxanli kənd tam orta ümumtəhsil məktəbində fəaliyyət göstərən Azərbaycan dili və ədəbiyyat müəllimi Hüseynova Gülsüm Seyfəddin qızı 65 yaş-yubiley münasibətilə qiymətli hədiyyə və fəxri fərmanla təltif edildi.

Həmkarımızı bir daha təbrik edir,işlərində müvəffəqiyyətlər,sağlam və mənalı ömür diləyirik!

Şabranda Ulu Öndər Heydər Əliyevin anadan olmasının 103-cü ildönümü qeyd olunub

Ulu Öndər Heydər Əliyevin anadan olmasının 103-cü ildönümü münasibətilə Şabran rayonunda anım tədbiri keçirilib.

Tədbirdə Şabran Rayon İcra Hakimiyyətinin başçısı Asif Hüseynov, YAP Şabran rayon təşkilatının sədri Mehdi Balabayov, idarə, müəssisə və təşkilat rəhbərləri, rayon ictimaiyyəti və təhsil işçiləri iştirak ediblər.

İştirakçılar Ulu Öndərin abidəsini ziyarət edərək önünə gül dəstələri düzüb, onun əziz xatirəsini dərin ehtiramla yad ediblər.

Çıxışlarda bildirilib ki, Heydər Əliyevin Azərbaycan dövlətçiliyinin möhkəmlənməsi və ölkənin inkişafındakı xidmətləri xalqımız tərəfindən daim yüksək qiymətləndirilir. Vurğulanıb ki, Ulu Öndərin siyasi kursu bu gün Prezident İlham Əliyev tərəfindən uğurla davam etdirilir.

Şabran Rayonunda Azərbaycan dili və ədəbiyyat müəllimi Sevda Dadaşova 65 yaşı qeyd olundu

07.05.2026-ci il tarixdə Elm və Təhsil İşçiləri Həmkarlar İttifaqı Şabran Rayon Komitəsi tərəfindən Şabran Rayon İlqar Abasov adına Rəhimli kənd tam orta ümumtəhsil məktəbində fəaliyyət göstərən Azərbaycan dili və ədəbiyyat müəllimi Dadaşova Sevda Vahid qızı 65 yaş-yubiley münasibətilə qiymətli hədiyyə və fəxri fərmanla təltif edildi.

Həmkarımızı bir daha təbrik edir,işlərində müvəffəqiyyətlər,sağlam və mənalı ömür diləyirik!

Şabran rayonunda təhsil işçilərinin yubileyi qeyd olundu

05.05.2026-ci il tarixdə Elm və Təhsil İşçiləri Həmkarlar İttifaqı Şabran Rayon Komitəsi tərəfindən Şabran Şəhəri Roman Yusifov adına 2 nömrəli tam orta məktəb liseyində fəaliyyət göstərən ibtidai sinif müəllimi Pirquliyeva Gülzar Nəcəf qızı və Tarix fənn müəllimi Abbasova Gülarə Həsənağa qızı 65 yaş-yubiley münasibətilə qiymətli hədiyyələr və fəxri fərmanlarla təltif edildi.

Yuxarıda adları qeyd olunan həmkarlarımızı bir daha təbrik edir,işlərində müvəffəqiyyətlər,sağlam və mənalı ömür diləyirik!

Şabranda Ümummilli Lider Heydər Əliyevin 103-cü ildönümünə həsr olunmuş şahmat turnirinin finalı keçirildi

Elm və Təhsil İşçiləri Həmkarlar İttifaqı Respublika Komitəsinin Rəyasət heyətinin 11 fevral 2026-cı il tarixli Q-18/27/2026 nömrəli qərarına əsasən ETİHİ Şabran rayon komitəsinin təşkilatçılığı ilə rayonun ümumtəhsil müəssisələrinin işçiləri arasında Ümummilli Lider Heydər Əliyevin anadan olmasının 103-cü ildönümünə həsr olunmuş şahmat idman yarışının final mərhələsi keçirildi.

Tədbirin əvvəlində Ümummilli Lider Heydər Əliyevin və şəhidlərimizin əziz xatirəsi bir dəqiqəlik sükutla yad edildi.

Tədbirdə Yeni Azərbaycan Partiyası Şabran rayon təşkilatının sədri Mehdi Balabəyov çıxış edərək Ümummilli Lider Heydər Əliyevin zəngin həyat və siyasi fəaliyyəti barədə ətraflı məlumat verdi.

Sonda yarışın qalibləri müəyyən olundu, onlara fəxri fərmanlar və mükafatlar təqdim edildi. Tədbir iştirakçıları Ümummilli Lider Heydər Əliyevin əziz xatirəsini dərin ehtiramla yad etdilər.

Şabranda Novruza həsr olunmuş bayram tədbiri təşkil olundu

18 mart 2026-cı ildə Şabran rayonunda yerləşən Zərifə Əliyeva parkında Şabran rayon İcra hakimiyyəti və rayonun idarə - müəssilərinin birgə təşkilatçılığı ilə Novruz bayramına həsr edilmiş genişmiqyaslı tədbir keçirildi.

Bayram tədbiri çərçivəsində milli-mənəvi dəyərlərin qorunması və gənc nəslə aşılanması əsas məqsəd kimi önə çəkildi. Xalqımızın zəngin Novruz ənənələri tədbir iştirakçılarına təqdim olundu, gənclər arasında milli ruhun və vətənpərvərlik hisslərinin daha da möhkəmləndirilməsinə xüsusi diqqət yetirildi.

Tədbir çərçivəsində rayonun ümumtəhsil müəssisələrinin müəllim və şagirdlərinin böyük zövq və yaradıcılıqla hazırladıqları əl işlərindən ibarət sərgi nümayiş olunub, iştirakçılar tərəfindən böyük maraq və rəğbətlə qarşılandi.

Tədbir bayram ab-havasını daha da gücləndirən rəngarəng konsert proqramı ilə davam etdirildi.

Novruz Bayramı münasibətilə ittifaq üzvlərinə bayram hədiyyələri təqdim olunub

ETİHİ Şabran Rayon Komitəsi tərəfindən Novruz Bayramı münasibətilə bir qrup ittifaq üzvünə bayram hədiyyələri təqdim edilib. Bu təşəbbüs üzvlərə göstərilən diqqət və qayğının bariz nümunəsi kimi yüksək qiymətləndirilib.

Təqdim olunan hədiyyələr ittifaq üzvləri tərəfindən böyük sevinc və məmnunluq hissi ilə qarşılanıb. Bayram ab-havasında keçirilən tədbir iştirakçılar arasında xoş ovqat yaradıb, birlik və həmrəyliyin daha da möhkəmlənməsinə töhfə verib.

İttifaq üzvləri onlara göstərilən diqqətə görə Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı ünvanına dərin təşəkkürlərini ifadə ediblər. Qeyd olunub ki, bu cür sosial yönümlü addımlar üzvlərin rifahının yüksəldilməsi və onların motivasiyasının artırılması baxımından xüsusi əhəmiyyət daşıyır.

8 Mart – Beynəlxalq Qadınlar Günü münasibətilə ETİHİ Şabran rayon komitəsi tərəfindən qadın üzvlər təbrik olundu

8 Mart – Beynəlxalq Qadınlar Günü münasibətilə ETİHİ Şabran rayon komitəsi tərəfindən ittifaqın bir sıra fəal qadın üzvləri ilə görüş keçirilib. Tədbir zamanı qadınların cəmiyyətin inkişafında, həmçinin təhsil sahəsində göstərdikləri səmərəli fəaliyyət xüsusi qeyd olunub.

8 Mart – Beynəlxalq Qadınlar Günü münasibətilə onlara möhkəm can sağlığı, xoşbəxtlik və gələcək fəaliyyətlərində uğurlar arzulanıb.

🌷 Bayramınız mübarək, əziz xanımlar!

ETİHİ Respublika Komitəsi Şabran təhsil ictimaiyyəti üçün yaddaqalan ekskursiya təşkil edib

22 fevral 2026-cı il tarixində ETİHİ Respublika Komitəsinin təşkilatçılığı ilə Şabran rayonu ümumtəhsil müəssisələrinin rəhbərləri, Şabran rayon Təhsil sektorunun əməkdaşları və bir qrup ilk həmkarlar komitəsinin sədrlərinin iştirakı ilə Quba rayonu ərazisində yerləşən Nazlı Bulaq istirahət mərkəzinə yaddaqalan ekskursiya təşkil olunub.

Səmimi və işgüzar mühitdə keçən tədbir iştirakçılar arasında qarşılıqlı fikir mübadiləsinə, təcrübə paylaşımına və həmrəylik münasibətlərinin daha da möhkəmlənməsinə geniş imkan yaradıb. Ekskursiya çərçivəsində iştirakçılar qeyri-rəsmi mühitdə ünsiyyət quraraq gələcək əməkdaşlıq perspektivləri barədə fikir mübadiləsi aparıblar.

Tədbirin yüksək səviyyədə təşkili iştirakçılar tərəfindən xüsusi razılıqla qarşılanıb. Sonda iştirakçılar göstərilən diqqət və qayğıya görə ETİHİ Respublika Komitəsinin sədri, hörmətli Araz Paşayevə dərin minnətdarlıqlarını ifadə edib, bu cür təşəbbüslərin kollektiv ruhun gücləndirilməsində mühüm rol oynadığını vurğulayıblar.

Şabran rayonunda məktəb işçisi yubiley münasibətilə təltif olunub

Şabran rayonunda məktəb işçisi yubiley münasibətilə təltif olunub

19 fevral 2026-cı il tarixində Elm və Təhsil İşçiləri Həmkarlar İttifaqı Şabran Rayon Komitəsi tərəfindən Ağalıq kənd tam orta ümumtəhsil məktəbində çalışan məktəbin texniki işçisi Səadət Ərzimanova 65 illik yubileyi münasibətilə qiymətli hədiyyə və fəxri fərmanla təltif olunub.

Yubilyara gələcək fəaliyyətində uğurlar, möhkəm can sağlığı və mənalı ömür arzulanıb.

Səadət xanımı bir daha təbrik edir, ona işlərində müvəffəqiyyətlər, sağlam və mənalı ömür diləyirik!